Ба гузориши хабаргузории байналмилалии Ахли Байт (а) – Абна –, дафтари Оятуллоҳи Аъзам Сайид Алӣ Систонӣ дар баёнияе бо изҳори таассуфи амиқ аз даргузашти Папа Франсиск, ба пайравони Калисои Католик дар ҷаҳон, ин мусибатро таслият гуфт.
Дар ин баёния омадааст: Папа Франсиск ба далели ифои нақши мушаххас дар роҳи сулҳ ва мусоҳибат ва изҳори ҳамбастагӣ бо ситамдидагон ва мазлумони саросари ҷаҳон, аз мақоми баланди маънавӣ дар байни бисёр миллатҳо бархӯрдор ва мавриди эҳтироми ҳама буд.
Дар ин баёния ҳамчунин омадааст: Дидори таърихии байни Папа Франсиск бо Оятуллоҳ Систонӣ дар Наҷафи Ашраф, дорои аҳамияти бузурге барои таъкиди ду тараф бар нақши бунёдии имон буд.
Оятуллоҳи Аъзам Систонӣ ҳамчунин бар зарурати талошҳои муштарак барои тақвияти фарҳанги ҳамзистии мусолиматомез, парҳез аз хушунат ва нафрат ва тасбити арзишҳои вафои байни мардум бар асоси риояти ҳуқуқ ва эҳтироми мутақобил дар байни пайравони адён ва гароишҳои фикрии мухталиф таъкид кард.
Ватикан имрӯз ба таври расмӣ эълон кард, ки Папа Франсиск дар синни 88-солагӣ даргузашт.
342/
Your Comment